Amarol - ինչու մաքրել 2 անգամ
ԻՆՉՈՒ՞ ՄԱՔՐԵԼ ԱՏԱՄՆԵՐԸ ՕՐԱԿԱՆ 2 ԱՆԳԱՄ
Ըստ գիտնականների տարբեր և բազմամյա հետզոտությունների, մարդու բերանի խոռոչում ապրում են մոտ 700 տարբեր տեսակի մանրէներ։ Նրանցից միայն մի քանի տեսակն են, որ վնասակար են ատամների և լնդերի համար, հատկապես եթե դրանք սկսում են չափից շատ բազմանալ։ Իսկ ինչպես գիտենք, մանրէները բազմանալու չեմպիոն են։ Միչիգանի Համալսարանի լուսահոգի գիտնական Ուոլտեր Լոշեյի գնահատականներով, «մաքուր» բերանում ցակացած պահի բնակվում է մոտ 20 միլիարդ բակտերիա, իսկ 24 ժամվա ընթացքում, առանց մաքրելու, դրանց թիվը հասնում է 100 միլիարդի։
Այ այսքան մանրէներ են կուտակվում բերանում օրական միայն մեկ անգամ ատամները մաքրելու դեպքում: Փորձեք մեկ օր չմաքրել ատամները և եղունգով քերեք ատամների մակերեսը․ շատերը կարծում են, թե եղունգի վրա մնացող սպիտակավուն զանգվածը դա սննդի մնացորդներն են: Իրականում դա հենց ատամնափառն է՝ միլիարդավոր մանրէներից կազմված բիոշերտը։
Եթե մաքրում եք օրական երկու անգամ, այն էլ ճիշտ ձևով, այս շերտը հեռացվում է և չի հասցնում կուտակվել։ Արդյունքում վնասակար մանրէների քանակը և դրանց “սև” գործը (մանրէները բերանի խոռոչի շաքարը վերածում են թթվի, որը քայքայում է ատամներիի էմալը) զգալիորեն կանխարգելվում են։ Իմացեք ավելին դիտելով մեր տեսանյութը
